Pengawa nyiri menteri, sapit ari S’wak setipak enggau pemujur PH di negeri tu

A statue of Lady Justice. — DayakDaily.com file pic. // Photo: Pixabay

KUCHING, Julai 3: Pengawa nyiri semina siku menteri penuh enggau siku sapit menteri ari Sarawak dalam kabinet perintah Pakatan Harapan (PH) setipak enggau penyampau kerusi ke dimenang PH di Sarawak ba pengawa bepilih besai (PRU) dalam bulan Mei tu tadi, pia ku siku penganalisis politik.

Ku lecturer kanan di Universiti Malaya Profesor Madya Dr Awang Azman Awang Pawi, sebedau tu kabinet perintah besai ari baruh perintah Barisan Nasional (BN) bisi etnik Melayu, Iban enggau Orang Ulu ti mandangka penyampau pemujur BN menang di Sarawak nyengkaum senator ti mandangka prestasi parti BN bepelasarka etnik di Sarawak.

“Ke bendar atur nya dipeda lebih ngagai atur politik ti nyadika pangku pengawa kabinet nyadi ‘carrot and stick’ politik,” ku iya kemari.

Reti nya ku Awang Azman, nya siti gempung ‘pemeri enggau ukum’ dikena nentuka pengundi Sarawak milih Pakatan Harapan dudi ila.

“Enti sema dekaka mayuh agi dipadu nyadi kaban kabinet lalu ari bemacham etnik, ba PRU ke deka datai meseti bisimayuh agi rayat di Sarawak nyukung PH ngambika ulih menang ba mayuh agi kerusi,” ku iya. — DayakDaily