Kaban Kunsil Besai PDP nyukung Salang dichalun baru

Sign outside polling station. — DayakDaily.com file pic. // Photo: Pixabay

KUCHING: Kaban Kunsil Besai Parti Progresif Demokratik (PDP) Alexander Asing Sadai, meri sukung ngagai Kaban Parlimen Julau, Datuk Joseph Salang ti dichalunka baru ba Pengawa Bepilih Besai Ke-14 (PRU14).

Iya dichalun Presiden Parti Rakyat Sarawak (PRS) Tan Sri Datuk Amar Dr James Masing ngetanka sitak Julau ungkup Barisan Nasional (BN).

“Aku meransang semua kaban parti komponen BN kelebih agi ari PDP ngundi iya ngambika menang majoriti besai,” ku iya baka ke dipansutka ba The Borneo Post.

Alexander madah, PDP enggau PRS setuju nyukung chalun kededua parti ke pemaik BN.

“Rayat menua pesisir patut nyukung BN ngambika mayuh agi peluang ngangkatka tikas pengidup sida.


“Kitai agi begunaka bantu perintah kelebih agi ba pemansang infrastruktur, pelajar enggau dagang,” ku iya.

Salang mega madah, iya enda bepinang benibung enggau pengundi ti nyukung tauka enda nyukung iya kenyau beberapa taun ke udah.

“Aku deka semampai kemerah sereta enda bechiping lalu ngarapka sida ti enda nyukung BN tau berubah runding sereta nikal pulai dudi ila” ku iya.