JPJ meri diskaun 70 peratus ngagai saman, kompoun berengkah April-Mei 2

Traffic. — DayakDaily file pic. // Photo: Pixabay

BATU PAHAT, April 7: Beserimbai enggau penumbuh ke-72 Opis Perengka Pengangkut Jalai (JPJ) bisi meri diskaun 70 peratus ngagai semua saman enggau kompaun ti dikeluarka pengelama sebulan berengkah ari pun April lalu tembu kena Mei 2.

Sapit Menteri Perengka Pengangkut Datuk Ab Aziz Kaprawi madah, diskaun saman sepenyampau 70 peratus nya ngerikod sejarah laban sebedau tu JPJ nadai kala meri diskaun semayuh nya.

Sebedau tu JPJ kala meri diskaun nyentuk 50 peratus aja.

Ku iya, bayar saman enggau kompaun tau dibayae ba semua kaunter JPJ di serata menua.

Taja pia, bayar diskaun 70 peratus nya enda nyengkaum lima iti penyalah baka penyalah Sistem Pengelikun Penyedar Automatik (Awas), kompaun Sistem Penerit Adat Automatik (AES), penyalah Berat Enggau Utai Undan (BDM) tauka utai undan ngelui ari pematut ungkup perengka pengakut lebih lebih lima tan, saman kort enggau saman sereta kompaun peanak menua luar. — DayakDaily