BATU MAUNG, Julai 7: Opis Menteri Kereja Raya deka nyerenih baru semua infrastruktur projek ti udah dikemendar sebedau tu ngambika ulih ulih ngelala tikas guna nya, pia ku Menteri Kereja Raya, Baru Bian.
Ku iya, opis menteri nya megai tanggungpengawa ngaga infrastruktur ke manah dikena ngangkat tikas idup rayat lalu berebak enggau nya meri pemerat ngagai sekeda projek ke ngaul sereta diguna rayat.
“Pengudah empat hari mangku pengawa nyadi menteri, aku dipadahka bisi beberapa projek kategori kritikal enggau udu kritikal ke meseti diberi pemerat ke pemaik rayat,” ku iya madah ngahai pemberita pengudah bejadi projek ngangkatmanah jalai negeri ditu kemari.
Ku iya, fokus Opis Menteri Kereja Raya diatu iya ngagai sekeda projek infrastruktur, sepital, sekula enggau bekal ai beresi kelebih agi di Sabah enggau Sarawak.
“Pemerat nya ukai semina ungkup Sabah enggau Sarawak aja, tang negeri-negeri di Semenanjung mega deka diberi perati ngambika semua projek infrastruktur deka.merj empas ke manah ngagai semua rayat Malaysia,” ku iya. — DayakDaily
