FMU Kapit, Ta Ann Holding diberi Setipikit Ngatur Kampung

Birch forest in Finland. - DayakDaily.com file pic. // Photo: Pixabay

KUALA LUMPUR, Julai 7: Unit Ngatur Kampung (FMU) Kapit, Ta Ann Holdings Bhd diberi Setipikit Ngatur Kampung (Kampung Asal) ari baruh Skim Pensijilan Kayu Malaysia.

FMU Kapit dipejalaika anak kompeni diempu penuh Ta Ann iya nya Tanjong Manis Holdings Sdn Bhd.

Ba padah ngagai Bursa Malaysia kemari, Ta Ann madahka setipikit nya diberi SIRIM QAS International Sdn Bhd kena Jun 11, 2018, dlalu sah pengelama tiga taun.

Pesereta industri kayu enggau sawit nya madah, pengawa meri setipikit ngagai FMU Kapit nyadi siti atur ke beguna amat dikena ngangkatka pemansut produk papan lapis ke sah ari raban nya.

“Perambu Ngatur Kampung kami ungkup dua agi FMU udah dikemendarka Opis Kampung Sarawak enggau FMU Raplex dijangka diberi setipikit dalam taun 2019, lalu FMU Pasin nagit ngakun nya ba taun 2020,” ku iya.


Mungkur pemesai 149,756 hektar, FMU Kapit ke ba bagi Selatan, Kapit nyadi FMU keterubah ari baruh Ta Ann Group ke bulih sitipikit ungkup pengawa ngatur kampung ari baruh skim nya.

FMU nya nyengkaum 40 peratus kandang konsesi belisin ari baruh Ta Ann Group ke mungkur pemesai 337,996 hektar. — DayakDaily