KUCHING, Ogos 7: Opis Kastam Diraja Malaysia (JKDM) merambu deka neritka Chukai Jual enggau Servis (SST) ba empat produk baru nyengkaum tiket penerebai domestik enda nyengkaum kandang menua pesisir.
Penulung Kanan Direktor Kastam Bagi SST Kuching Noelle Lily Ronald Morse madahka tiga iti agi produk iya nya pemerindang (gaming), servis teknologi pemadah (IT) enggau elektrik.
Bejaku ba penerang ‘Handholding SST’ ti digulu urung 1,000 pemain industri ditu kemari, iya meri chunto baka tiket penerebai ari Miri ke Mukah nadai SST tang penerebai ari Kuching ke Kuala Lumpur deka dichukai.
Ungkup pemerindang (gaming), SST sepenyampau enam peratus deka.diteritka di kasino, palan bejudi nguna mesin enggau meli tiket loteri.
Ku iya SST mega deka diterit ba pengawa meli rengka komputer enggau elektrik ti ngena elektriknya ngelui ari 600 Kw.
Kelimpah ari nya, iya madahka sektor pemakai mega direjister ba sistem SST nyema penatai pemisi pengempu dagang nya ngelui ari RM500,000 setaun nyengkaum pedagang ke ngena entukar. — DayakDaily
