Advertisement
![]()
MIRI, Dis 28: Jematan Bekenu ke panjai 70 meter, ti digaga begunaka ungkus RM26 juta, ke alai projek nya udah dipenyadika ex-Kepala Menteri niang Datuk Patinggi Tan Sri Adenan Satem, dipelaba tembu endar digaga ba pun taun 2018.
Diatu tinggal semina kereja melakin enggau ngaga lanskap ngemanahka jematan nya aja benung dipejalaika.
Kaban Parlimen Sibuti Datuk Ahmad Lai Bujang madahka jematan ulih ngangkatka agi ekonomi Sibuti kelebih agi peranak ba Kpg Rambai ke bulih pemaik ari projek nya.
Ahmad Lai madah, enti jematan nya udah tembu orang bekebun enggau berikan di Sibuti deka mudah agi nyual produk sida.
Advertisement
![]()
Sida ulih nengah jematan nya ke pasar Bekenu lalu jematan nya mega nyambung peranak ari seberai sungai enggau bandaraya Miri. — DayakDaily
Advertisement
