Advertisement
![]()
KUCHING: Kaban Kunsil Nengeri (ADUN) Bukit Goram, Jefferson Jamit Unyat madahka Menteri Besai Datuk Seri Najib Tun Razak, siku ketuai ti mendingka penanggul sereta semak ba ati rayat Sarawak.
Ku Jamit, nya berindik ari Jalai Kapit-Song-Kanowit semina dikemendarka pengudah 54 taun enda digaga sereta dlikemanah.
“Menteri Besai Malaysia keenam sigi amat mendingka penusah kami ti ngujungka iya ngemendarka agih belanja ungkup projek jalan jalai alun nya, ke udah ngagaka ati Komuniti rumah panjai semanjai Jalai Kapit-Song-Kanowit, laban jalai nya mujur digaga.
“Kami meri terima kasih ngagai inisiatif perintah ke ngaga jalai nya ke kami. Jalai nya deka meri mayuh pemaik, sambung jalai ti manah ngemudahka pemansang tanah ti ulih meri penatai pemisi ke besai agi ngagai kami semua,” ku iya
Ku Jamit baru, peranak menua dia diatu ulih ngasaika pemansang ketegal sukung manah sida ngagai perintah Barisan Nasional (BN).
“Kapit kala nyadi ‘pulau’, tang empai lama udah nya kami disambung enggau Song, Kanowit sereta Sibu nengah jalai alun.
“Diatu aku meda mayuh pengempu tanah ngemansangka tanah sida enggau pengawa bekebun baka nanam getah, buah enggau sayur,” ku iya.
Jamit mega meransang peranak menua nya terus nyukung Sapit Menteri Pemansang Menua Pesisir enggau Kandang Menua, Datuk Alexander Nanta Linggi ba pengawa bepilihan besai tu ila.
“Kenyau nyadi Kaban Parlimen Kapit, YB Nanta udah ngaga mayuh macham projek ti meri pemaik ke peranak menua ditu. Entara projek nya baka ngaga palan penyangkai, jalai enggau rumah sereta skim elektrik menua pesisir enggau bekal ai beresi,” ku Jamit.
Advertisement
