BINTULU, Mac 30: Dikena nentuka Sarawak nyadi negeri chunto sereta maju ba taun 2030 ari sukut pemansang perengkaguna enggau pemansang mensia, isu sosial mega patut dikemerat ngambika ulih nempa rayat lantang.
Menteri Pengelantang Pendiau, Komuniti, Orang Indu, Ruang Bilik enggau Pemansang Anak Mit Dato Sri Fatimah Abdullah madah, siti sistem patur digaga ngambi ngemudahka mensia mayuh ngeripot penyalah awakka opis bekuasa ulih jampat neritka adat.
Bejaku ba Pengerami Nutup Dialog Input Komuniti ba Isu Sosial Bagi Menua Bintulu ke diatur Kaunsil Pemansang Sosial Opis Menteri iya, Fatimah madahka pengudah nerima ripot, opis bekuasa ulib jampat bejalaika pengawa ti lalu negapka pengarap ati mensia mayuh ke begunaka sida mutarka kes bukai.
Fatimah muji sereta ngenataika pengaga ati iya ngagai ejensi ke bekaul enggau pengawa mutarka isu sosial naka ke diatu kelebih agi Polis Diraja Malaysia (PDRM). — DayakDaily
