IPG Rajang entara semilan IPG ti deka ditutup

Kus ke enda relevan ba universiti perintah deka ditukar. DayakDaily.com file pic. // Photo: Pixabay

SARIKEI : Kampus IPG Rajang entara semilan IPG ke udah diputuska ditutup lalu ditukar nyadi Politeknik ari baruh Opis Menteri Pelajar Tinggi, ku Wong madah ba aum media ke diatur ba opis DAP Pampang Sarikei sehari tu.

Andrew Wong Ling Biu ke mega Sarikei madahka pekara nya udah ditetapka Menteri Opis Pelajar, Datuk Seri Idris Jusoh nengah saut ngagai tanya iya ba aum parlimen sebedau tu.

IPG Kampus Rajang ke ditumbuhka dalam taun1966, nyadi kelai pemanah kaul entara Perintah Malaysia enggau Perintah New Zealand.

Kededua menua ngemujurka projek nya ari baruh Perambu Colombo ti beratka ekonomi enggau pemansang rama di rantau Asia Tenggara.

Kampus nya udah dipenyadika Gabenor Sarawak keterubah, niang Tun Abang Openg Abang Sapi’ee kena 31 Oktober, taun 1967.

Kelimpah IPG Kampus Rajang, IPG Kampus Miri mega bisi dalam rintai nya, ku Wong .

“ Tu berita ke enda manah ngagai peranak di Pelilih Menua Sarikei nyengkaum rayat di Sarawak,” ku Wong.

Pemutus nutup IPG Kampus Rajang nya deka balat diasai peranak di Sarikei laban semina nya aja palan pelajar tinggi di Pelilih Menua Sarikei

Kampus nya mega deka dikingat belama laban udah nempa beribu iku pengajar ke ukai semina ari Sarawak tang mega ari nengeri bukai di Malaysia, ku Wong.

IPG Kampus Rajang deka ditutup pengudah rebak ke penudi endar ke diambi masuk nya graduet.