GRP meri bantu ngagai Siba sebilik ti diau ba langkau kebun

File photo depicting a food basket. Photo source: Wikimedia Commons

Follow and subscribe to DayakDaily on Telegram for faster news updates.


KUCHING, 15 Ogos: Gerempung Raban Pakan (GRP) bisi meri bantu ngagai Siba sebilik ti diau ba langkau kebun di Buku, Ulu Pakan.

Ketuai GRP Jerenang Jawa madah, bantunya dikearap ulih ngelempungka penanggul pengidup ti nuntung sida sebilik.

“GRP berasai sinu meda pengidup Siba menyanak ti diau ba langkau kebun.


“Sida sebilik bisi empat iku tubuh lalu Siba pan enda bepengerai alai nya ngasuh pengidup sida tusah,” ku iya lebuh ti nyuaka bantu nya.

Jerenang mega ngarapka bala injinsi ti bekuasa kelebih agi sida Opih Pelilih Menua Pakan sereta Opis Pengintu Pengelantang Mensia Mayuh (JKM) jampat agi meri bantu baka rumah tulung enggau utai bukai.

Ku iya, bala raban GRP sama besaup nulung Siba sebilik ngena chara meri duit turu lalu dikena meli barang sereta belanja.

Antara barang bantu ari GRP ia nya barang pemakai enggau kuasa solar. — DayakDaily