KUCHING, Sept 3: Peranak Rh Noh Bin di Stalon, Belawai, ke dituntung penusah angus rumah panjai kemari nerima bantu ari Kaban Kunsil Negeri (Adun Kuala Rajang) Datu Len Talif Salleh.
Bela besaup ngenataika bantu ngagai 56 iku sida ti tasah iya nya Kaban Parlimen (MP) Tanjung Manis, Yusuf Abdul Wahab.
Bantu ari kededua pengari rayat nya dianjung bala pemesai ari palan servis komuniti seduai tumu pagi tadi.
Penusah ke nyadi urung jam 7.30 malam tadi ngujungka sida sekayu rumah enda sempat nyelamatka reta tengkira kelimpah ari tubuh diri empu.
Tajapia, penusah nya enda ngemakal tauka nabanka nyawa peranak Rh Noh Bin.
Len ke mega Menteri Muda Pemansang Mengeri enggau Pengeraja Asal madah bantu ngenyit nya dikearap ulih ngelempungka pemar ke ditapi sida diatu.
Ku iya, bantu bukai ngagai sida sekayu rumah panjai deka mega diperunding. — DayakDaily.
