GPS ukai BN 2.O — Abang Johari

Datuk Patinggi Abang Johari Tun Openg

KUCHING, Jun 24: Chairman Gabungan Parti Sarawak (GPS), Datuk Patinggi Abang Johari Tun Openg nyamin gempung baru ditumbuh nya ukai baka Barisan Nasional (BN) 2.0.

Dirandau media ba ‘Majlis Rumah Terbuka Aidilfitri’ Menteri Dagang Temuai, Seni, Main Asal, Nembiak enggau Main Negeri, Datuk Abdul Karim Rahman Hamzah, Kepala Menteri madahka gempung baru nya entiti ke sigi amat baru.

“Enda, ukai (BN 2.0). Kesemua nya baru. Anti mih. Siti, siti dulu,” ku iya lebuh diansak enggau tanya sentang parti baru nya.

Akun uya, piak iya udah nerima peminta beberapa parti bukai ari Sarawak ke deka nyeretai GPS.

“Tang lakka (GPS) ditumbuh dulu. Lakka komiti teknikal nentu utai ke diguna dikena numbuhka sesebuah parti baka langkar logo, numbuhka komiti protem enggau ke bukai.”

Ditanya sekalika rayat Sarawak ulih nerima GPS, ku iya, awakka timpuh nentuka iya.

Abang Johari mega enggai nyaut pelaba Pemangku Chairman BN, Datuk Seri Ahmad Zahid Hamidi madahka pelaba gempung baru nya ditumbuh dikena nganti BN ti ditumbuhka ba taun 1970.

Kau iya, iya enggau ngelansa nya laban nadai penerang pasal nya.

Presiden Parti Pesaka Bumiputera Bersatu (PBB) nya lalu berumban terebai ke Kuala Lumpur pengudah pengerami nya ketegal diundang ngagai ‘Rumah Terbuka’ Menteri Besai,Tun Dr Mahathir Mohamad.

“Aku enggau Kepala Menteri Sabah, Datuk Seri Shafie Apdal antara yang dikangau datai,” ku iya. — DayakDaily