KUCHING, Ogos 23: MP Petra Jaya, Datuk Seri Fadillah Yusof, madahka Gabungan Parti Sarawak (GPS) deka negika peranak Sarawak ngambika ulih mansang maju agi.
“Kami deka majak negika negeri Sarawak sereta nempa Sarawak nyadi negeri ke maju,” ku iya lebuh dirandau pemberita sebedau Kepala Menteri Abang Johari Tun Openg ngelancharka Majlis Qurban Aidiladha di pampang Parti Pesaka Bumiputera Bersatu (PBB) pampang Satok ba Jalai Kulas ditu.
Ku iya, barang bagi pekara ti ditegika PBB enggau GPS, laban nya meda pemansang di Sarawak ti deka pulaika pemaik ngagak rayat Sarawak.
Gabungan Parti Sarawak (GPS) ditumbuhka nengah gempung ari PBB, Parti Se’ati Rakyat Sarawak (SUPP), Parti Rakyat Sarawak (PRS) enggau Parti Progresif Demokratik (PDP).
Ba pengerami nya, Kepala Menteri udah nyuaka bungkus dagis ngagai peranak ke diau ngelingi Satok. — DayakDaily
