DAM Miri ngatur Pekit Ngajat enggau Betabuh kena 20 Okt

Traditional Borneo beads and accessories. — DayakDaily.com file pic. // Photo: Pixabay

MIRI, Ogos 23: Gerempung Dayak Miri (DAM) deka ngatur Pekit Ngajat enggau Betabuh kena Oktober 20 ti deka datai tu.

Pekit nya diatur ba Imperial Mall ditu, nerengkah pukul 10 pagi ngagai pukul 6 lemai.

Pekit ngajat nya dibagi ngagai tiga kategori iya nya grup, individu orang besai tuai enggau individu nembiak mit, enda ngira penempa.

Pemenang ari lumur satu ngagai tiga ba ketetiga kategori nya deka nerima perais mata duit, tropi enggau setipikit.

Ungkup Pekit Betabuh, pemenang ari lumur satu ngagai tiga deka nerima perais mata duit, tropi enggau setipikit.


Pemekit bukai ke dipilih masuk renggat final ba kededua pekit nya ke nadai bulih lumur ari lumur satu ngagai tiga, deka diberi perais sagu ati RM100, disempulang enggau tropi sereta setipikit.

Maya ngerejister diri masuk pekit deka ditutup kena Oktober 12.

Penerang silik tau ditanya ngagai Jacqualine Selaka Mawar ba lumur 016 8786205 tauka Kitty Janggot ba lumur opis DAM, maya jam gawa nengah lumur 085 435467. — DayakDaily