KUCHING, April 30: Gerija All Saints ba Palan Pematih Polis (Pulapol) ditu udah mujur ngatur pengerami Makai Lemai Ngulihka Belanja kena malam Hari Enam nyin tadi.
Tuju pengerami nya diatur dikena ngulihka belanja ngambika bisi dikena ngangkatmanah gerija nya.
Ku chairman Gerija All Saints ASP Ujan Kiaw, gerija nya beguna urung RM50,000 dikena bejalaika pengawa ngangkat manah sereta nyerusi gerija nya.
Pengerami Makai Lemai nya udah digulu Menteri Muda Perengka Pengangkut, Datuk Dr Jerip Susil enggau urung 600 iku kaban geija ke ngelingi Jalai Borneo Heights nya.
Nengah awak nya, Jerip bisi nyuaka belanja sepenyampau RM20,000 ngagai Gerija All Saints.
Ku iya, penyampau nya dikena nambah ungkup belanja manggai ngagai RM30,000 dikena ngangkatmanah perengkaguna di gerija nya.
Jerip mega madah, iya komited deka mantu gerija nya laban ulih mantu ngangkatka pemanah ulah ba mensia mayuh.
Iya ngarapka belanja RM20,000 bisi dikena ngemanahka perengkaguna di gerija nya.
Pengerami Makai Malam Ngulihka Belanja Gerija All Saints udah diatur ba Dewan Komuniti Kota Padawan.
Nyempulang pengerami nya bisi diatur oengerami nyambut Hari Pengada Dr Jerip. — DayakDaily
