![polling-station-2643466_1920](https://i0.wp.com/dayakdaily.com/wp-content/uploads/2017/09/polling-station-2643466_1920-e1505790334752.jpg?resize=696%2C696&ssl=1)
KUCHING: Sapit Ketuai Indu Parti Pesaka Bumiputera Sarawak (PBB) ngarapka Menteri Besai Datuk Seri Najib Razak berunding nambah chalun indu ba pengawa bepilih besai (PRU) tu ila.
Datuk Sri Fatimah Abdullah madah, penyampau pengari rayat enggau kaban kabinet indu mengkang mimit.
“Barisan Nasional ngasai nya patut diperunding laban penyampau pengundi indu mayuh agi tambah mega sida pan bisi penau dipilih nyadi chalun,” ku iya bejaku ngagai media pengudah sebengkah pengerami di Plaza Merdeka, kemari.
Fatimah ke mega Menteri Pengelantang Pendiau Komuniti, Orang Indu, Ruang Bilik enggau Pemansang Nembiak Mit, pechaya Datuk Seri Najib Razak deka ngaga pemutus ke pemadu manah ke pemujur Barisan Nasional.
PBB dipelaba mantaika abis nadai tiga iku chalun indu, lalu Parti Rakyat Sarawak, siku chalun indu ba PRU14.