KUCHING, Nov 16: Penyampau eksport produk kayu Sarawak ysah nambah ngagai 4.7 peratus iya nya ari RM4.41 bilion ngagai RM4.61 bilion nyentuk suku ketiga taun tu.
Menteri Pemansang Nengeri enggau Pengeraja Asal II, Datuk Amar Awang Tengah Ali Hasan madahka nyauka 90 peratus (RM4.13 billion) penyampau nya datai ari empat batang produk iya nya papan lapis (RM2.47 billion), kayu batang (RM936 juta, kayu begeraji (RM595 juta enggau venir (RM135 juta).
“Penambah nya beduduk ari peniki rega eksport ungkup papan lapis enggau kayu begeraji,”
“Penyampau eksport papan lapis udah nambah RM368 juta ari RM2.14 bilion ngagai RM2.47 bilion lalu penyampau eksport kayu begeraji udah nambah RM42 juta ari RM553 juta ngagai RM595 juta dalam taun 2017,” ku iya.
Iya madah munyi nya lebuh nutup jurai opis menteri iya ba Aum Kunsil Negeri (DUN) Sarawak sehari tu.
Ku iya baru, lima makit besai produk kayu Sarawak iya nya Jepun, India, Korea, negara-negara Timur Tengah enggau Taiwan ke meri penatai eksport RM3.76 bilion. — DayakDaily
