KUALA LUMPUR, Jun 9: Duta Besai Indonesia ke Malaysia Rusdi Kirana madahka diatu bisi lebih 250 Palan Pelajar Komuniti (CLC) di Sabah enggau Sarawak.
Iya ngarapka perintah baru menua tu ulih berundingka Indonesia muka CLC ungkup bala anak Indonesia di Semenanjung Malaysia baka ke dibuka di Sabah enggau Sarawak.
“Mayuh bala anak pekereja Indonesia ti ada di menua tu ke beumur ari enam ngagai 11 taun ti mengkang enda nemu macha sereta tinggal dalam pelajar,” ku iya.
Iya bejaku ngagai pemberita ba Pengerami Bebuka Puasa Ikatan Setia Kawan Wartawan Malaysia-Indonesia (ISWAMI) ditu, kemari.
Pengerami nya diatur dikena ngerami kaul entara pemberita Indonesia-Malaysia, ke digulu Presiden ISWAMI Datuk Zulkifli Salleh ke mega Ketuai Pegawai Eksekutif Bernama sereta tukuh pemberita Tan Sri Johan Jaafar enggau Tan Sri Zainuddin Maidin.
Ku Rusdi, bala anak Indonesia patut bulih mendapat akses pelajar laban enti dilakka, sida deka nyadi tating ngagai perintah Indonesia enggau Malaysia. — DayakDaily
