Dua bebadi nyawa di Saratok ba penusah jalai alun

Entuka ke ditepan dua lelaki labuh ke sungai di Saratok.

The English version of this article can be read here: https://dayakdaily.com/double-tragedy-in-saratok/

KUCHING, Jun 10: Dua iku lelaki bebadi nyawa pengudah entuka ke ditepan seduai labuh ke sungai di Saratok malam tadi.

Mansa keterubah berumur 48 tahun ari Rumah Kadam, Mudong Tengah lalu mansa kedua berumur 68 tahun ari Rumah Nyegang, Mudong Ila.

Kededua mansa balat bakal ba pala.

Nitihka penerang Ketuai Opis Pansik enggau Penerit Adat Trafik Sarawak Supt Alexson Naga Chabu, penusah nyadi di Jalai SK Mudong, Roban urung jam 8.30 malam kemari alai kededua mansa nuju ke Mudong Ili.

Palan endur penusah nyadi urung 100 meter penyauh ari Rumah Panjai Mudong Tengah iya nya ba endur peranak rumah panjai suah mandi.

Maya mansa ditemu sida ke diau ba rumah panjai, seduai sigi udah nadai seput alai dipelaba lemas.

Riput polis bekaul enggau penusah nya digaga bini mansa keterubah alai tubuh kededua mansa udah dibai ke Spital Saratok. — DayakDaily