DRT deka ngatur Aum Bansa Dayak Renggat Menua kena Sept 17

Raban Dayak Round Table (DRT) deka ngatur Aum Bansa Dayak Renggat Menua.

KUCHING, Sept 16: Raban Dayak Round Table (DRT) deka ngatur Aum Bansa Dayak Renggat Menua kena Sept 17 (Hari Satu) tu.

Aum nya deka diatur ba Palan Konvensyen Borneo berengkah ari pukul 7.30 pagi nyentuk 5.30 lemai.

Aum ti berambaika leka jaku “Forging Dayak Political and Economic Convergence” nya dibuka ngagai semua Bansa Dayak lalu masuk enda bebayar.

Entara batang pekara ti deka dipejurai maya aum nya ila iya nyerungkai pemar enggau penanggul ke ditapi bansa Dayak Di Malaysia.

Kelimpah ari nya, pekara bekaul enggau tanah adat bansa asal (NCR), politik enggau ekonomi ansa Dayak mega deka dipejuraika maya aum nya.

Tuju aum nya diatur dikena ngiga chara mutarka penanggul ke.ditapi bansa Dayak ba tiga pekara nya.

Pengelicha ti bisi dikangauka bejuraika pekara nya, iya Prof Dr Dimbab Ngindang ti deka bejuraika pekara pemansang tanah NCR, Associate Prof Dr Ricardo Baba ti deka bejuraika pasal pekara politik lalu ditangkanka Dr James Alin ti deka bejuraika sentang pekara ekonomi.

Bansa Dayak ke bisi ati nyereta aum nya dilalau datai ngena gari ke bisi motif Iban.

Penerang silik tauka ngerejister diri nyereta aum tu tau ditujuka ngagai Mdm Senorita John nengah lumur 019 363 1399, Mdm Bunie Japah (019 899 4905) enggau Mr Donny Dhwieba lumur 012 809 5919. ā€” DayakDaily