Definisi sekula repuk deka diserenih baru

Classroom. — DayakDaily.com file pic. // Photo: Pixabay

KUALA LUMPUR, Ogos 13: Opis Menteri Pelajar diatu benung nyerenih baru definisi sekula repuk di srata menua, ku Sapit Menteri nya, Teo Nie Ching.

Ku iya, pengawa meseti digaga ngambika semua ejensi ari baruh nya ngena definisi ke sama.

“Nya meseti dipejalai ngambika kita ulih ngena kriteria ke sama dikena nentuka bagi projek ti patut dikemerat.

Bisi beberapa kriteria ke diambi kira nyengkaum endur sereta nyendia rymah nembiak bemalam enggau kuartes pengajar. Semua ti sigi kriteria ke deka diperundingka,” ku iya ba sesi tanya saut di Dewan Rakyat kemari.

Iya nyaut tanya tambah Ma’mun Sulaiman (Warisan-Kalabakan) ke deka nemu tikas pengelantang pengajar enggau bala nembiak ti patut diperunding dalam perambu ngaga enggau ngemanah sekula repuk.


Nyaut tanya asal, Teo ke mega Kanban Parlimen Kulai madah, bisi 120 buah sekula di Sabah udah dikelala deka dikemanah ti ngaul Opis Kereja Raya (JKR) enggau Opis Menterian Pelajar.

“Bisi 37 buah sekula diserah ngagai JKR Sabah ngambika dikemanah lalu 83 agi deka dipejalaika opis menteri nya.” — DayakDaily