Covid-19: Nadai kes positif baru, 7 kluster mengkang aktif

Filepix

Dikarang Chris Bishop

KUCHING, 18 Ogos: Sarawak seharitu ungkup lima hari bejurut nadai ngerikud kes positif baru Covid-19.

Enggau nya, Komiti Pengintu Penusah Ngenyit Negeri Sarawak (JPBNS) nengah surat penerang berita madah penyampau semua kes positif Covid-19 di negeri tu mengkang 682.

“Seharitu mega, nadai kes gerai sereta dikemendar pansut ari spital.

“Nya ngujungka penyampau semua ke udah gerai sereta dikemendar pansut ari spital mengkang 660 iku tauka 96.77 peratus ari penyampau semua kes,” ku JPBNS.


Surat penerang nya mega madah naka ke diatu, 3 iku mengkang diperubat ba wad isolasyen alai penyampau kes mati mengkang 19 iku.

Tambah JPBNS, seharitu bisi 38 kes baru PUI diriput lalu 7 kes benung nganti pemutus peresa makmal.

Tujuh kluster mengkang aktif di Sarawak ti mungkur 62 kes.

Kluster aktif iya nya Kluster Syarikat Kejuruteraaan (8 kes), Kluster Mambong (7 kes), Kluster Pasar Stutong (7 kes), Kluster Sentosa (31 kes), Kluster PUI Melbourne (3 kes), Kluster Syarikat Pembinaan Kuching (2 kes) enggau Kluster Pasar Satok (4 kes). — DayakDaily