The English version of this article can be read here: https://dayakdaily.com/no-new-covid-19-cases-in-sarawak-for-fourth-consecutive-day/
KUCHING: Empat hari bejurut kenyau 1 Ogos, Sarawak nadai ngerikud kes positif baru Covid-19.
Berindik enggau nya, Sapit Kepala Menteri Datuk Amar Douglas Uggah madah penyampau kes naka ke diatu mengkang 678.
Tajapia, Uggah ke mega Chairman Komiti Pengintu Penusah Ngenyit Negeri Sarawak (JPBNS) madah bisi 10 kluster Covid-19 ti mengkang aktif di Sarawak.
“Kluster ti mengkang aktif di Sarawak iya nya Kluster Syarikat Kejuruteraaan (8 kes), Kluster Mambong ( 7 kes), Kluster Pusat Perubatan (3 kes), Kluster Jupiter (3 kes), Kluster Pasar Stutong (7 kes), Kluster Jeti Kuching (2 kes).
“Kluster bukai iya nya Kluster Sentosa (31 kes), Kluster PUI Melbourne (2 kes), Kluster Syarikat Pembinaan Kuching (2 kes) enggau Kluster Pasar Satok (4 kes),” ku Uggah ba aum pengarang berita ditu, seharitu.
Ngenang kaul ke sama, iya madah seharitu bisi 8 kes baru ke udah gerai lalu dikemendar pansut ari Spital Besai Sarawak(SGH).
Enggai nya ku Uggah nambah, penyampau kes positif Covid-19 ti udah gerai sereta dikemendar pansut ari spital manggai 607 iku tauka 89.53 peratus ari penyampau semua kes.
“Bisi 52 iku mengkang diperubat ba wad isolasyen spital alai penyampau kes mati mengkang 19 iku. — DayakDaily
