KUCHING, Dis 29: Unit Protokol enggau Pengerebai Kaul Negeri ba sebengkah penerang madahka perintah negeri bisi ngatur Countdown 2018 ba waterfront Kuching ke deka digulu Kepala Menteri Datuk Patinggi Abang Johari Tun Openg.
Nyempulang iya bini ya empu Datin Patinggi Juma’ani Tun Tuanku Bujang enggau menteri kabinet sereta peranak bandar raya ke deka begempuru nyentuk tengah malam.
Sekumbang ke nganti Kepala Menteri bejaku tengah malam taun baru 2018, mensia mayuh deka diperindang enggau pengawa belagu enggau main asal.
Kelimpah ari nya, bisi mega bis mantai ‘muzik jalanan’, muzik tradisional enggau moden, tanda asal enggau etnik sereta madangka fesyen.
Ke penudi endar Countdown 2018 iya nya mandangka bungai api. — DayakDaily
