KUCHING, April 1: Kepala Menteri Datuk Patinggi Abang Johari Tun Openg ke nyadi Chairman Barisan Nasional (BN) Negeri ngaku Perdana Menteri Datuk Seri Najib Tun Razak udah mai mayuh agi projek pemansang ke Sarawak.
Iya madah munyi nya seraya mandingka pengawa ti udah dikereja Najib enggau ex-menteri ke suba Tun Dr Mahathir Mohamad.
Ku Abang Johari, kerejasama enggau Najib ke mega Chairman BN Pusat naka ke diatu ngemudahka atur ngaga semua projek di Sarawak.
Iya bejaku munyi nya lebuh ngelanchar ‘Jentera Pilihan Raya Parlimen P.194 Petra Jaya’ di Pusat Konvensyen Penview (PCC) Demak, seraya madahka BN Sarawak deka meri pemujur besai ngagai semua BN.
BN Sarawak ku Abang Johari dekaka Najib terus nyadi Menteri pengudah PRU14 ila.
Abang Johari nikalka kenang rambau Sarawak menang besai ba Pengawa Bepilih Kunsil Negeri Ke-11 (PRN11) suba lalu besedia meri ambis nadai 28 ari 31 kerusi Parlimen ngagai BN Pusat ba PRU14 ila.
Iya madah,Parti Pesaka Bumiputera Bersatu (PBB) enggau BN Sarawak ngelaban Mahathir ke ngaul penyakal ukai ketegal peneka diri tang ketegal beratka rayat enggau negeri tu. — DayakDaily
