Bujang Berani Awang Raweng ditumbak di Pendam Pahlawan

Tubuh niang diangkat bala soldadu nuju Pendam Pahlawan.

Dikarang Chris Bishop

KUCHING, 21 Sept: Tubuh Bujang Berani Menoa, Datuk Sarjan Awang Raweng selamat ditumbak di Pendam Pahlawan Di Taman Budaya Kuching urung jam 12 tengahari seharitu.

Diiringi sereta diintu enggau basa ti besai Perintah Sarawak enggau Soldadu Malaysia, niang ninggalka siti cherita sejarah ti deka seruran dikenang belama.

Pemerani enda belampung ati berambun ka nyawa ngenan ka menoa ba jeman keruga komunis, Awang Raweng dibasa nengah midul George Cross ari Queen Elizabeth II.

Abang Johari(tiga ari kiba) meri basa ke penudi ngagai Awang Raweng. Bela dipeda(ari kiba) Jaul, Manyin, Uggah, Karim, Fatimah enggau Talib.
Simon ngarika Queen Elizebeth bela datai meri tabi basa ngagai Bujang Berani Awang Raweng ba Pendam Pahlawan.

Kepala Menteri Datuk Patinggi Datuk Patinggi Abang Johari Tun Openg datai meri basa ke penudi ba Dewan Suarah Kuching urung jam 9 pagi.

Bela nyempulang Abang Johari, Sapit Kepala Menteri Datuk Amar Douglas Uggah, Menteri Belia Dan Sukan Datuk Abdul Karim Rahman Hamzah, Menteri Pelajar, Sains enggau Pansik Teknologi Datuk Seri Michael Manyin.

Sama datai Menteri Pengelantang Pendiau Datuk Seri Fatimah Abdullah, Menteri Integriti enggau Ombudsman Datuk Talib Zulpilip sereta Sekretari Perintah Sarawak Datuk Amar Jaul Samion.

Ba pengawa nya mega, Ratu Elizabeth diarika “New Defence Advisor of the British High Commission, Group Captain Simon Hindmarsh. — DayakDaily