Buah dabai berengkah dijual ba pasar Sibu

Dabai. — DayakDaily.com file pic.

SIBU, Dis 9: Buah dabai dipeda majak dijual ba sebelah pasar Sibu ditu.

Ku bala penyual, musim dabai baru berengkah lalu nya kebuah rega buah nya agi mar rega diatu.

Ari perati, buah dabai ke dijual enggau rega entara RM25 ngagai RM40 sekilogram.

Taja pia, pemar rega nya ukai nyadika penanggul ba orang ti rindu makai buah dabai.

Pun dabai bebuah entara bulan November nyentuk ke Mac.

Nitihka padah orang ti rindu makai buah dabai,buah ke pemadu manah sereta nyamai diempa lalu bisi peminta ke tinggi datai ari pelilih Song, Kapit.

Ketegal tebilang ngeluarka buah damai ke nyamai sereta bekualiti, nya kebuah sebedau tu Kapit bisi ngatur sebengkah pengerami ke dikumbai ‘Pesta Dabai’ ti ngempuru bala penyual enggau semua buah damai ke bekualiti di serata Kapit.

Pelilih bukai ti bisi buah dabai iya Sibu,Kanowit, Song, Kapit enggau Belaga.

Kelimpah ari tau diempa pia aja, buah damai mega tau digagaka kunde ngambika tan ditaruh lama. Ba sekeda orang buah damai ke udah udah mansak ditasak nyamai diempa enggau asi angat ban ngembuan asi ti lemak sereta lunak. — DayakDaily