BN nadai penanggul menang ba sitak Kanowit

Tan Sri Dr James Jemut Masing

KANOWIT, April 27: Sapit Kepala Menteri, Tan Sri Dr James Masing madahka kededua sitak Kunsil Negeri (DUN) Machan enggau Ngemah, sama ari baruh sitak Parlimen Kanowit diatu ari baruh pegai BN.

Ku iya, nya alai nadai kebuah Barisan Nasional (BN) alah ba sitak Kanowit.

Ku Masing, nyema BN alah nya semina ketegal pengunding enda nitihka semaya sida ti deka ngenanka penuduk BN.

Iya madah munyi tu lebuh ke ngulu Gawai Sandau Hari ba rumah chalun BN, Datuk Aaron Dagang di Bejait kemari.

Ku iya, enti BN menang dia, nya deka ngarika Ngemah enggau Machan ba pemanah serbis ngagai rayat ba kededua sitak nya.


Berebak enggau nya, Aaron ke ydah tiga penggal nyadi MP Kanowit, dipelaba deka betengali alan enggau chalun ari Parti Keadilan Rakyat (PKR), Satu Anchom.

Sitak Kanowit ngembuan 21,056 pengundj berejista.

Satu udah ngatur oengawa ke sebaka ba Rh Benet, Nanga Dap ensana. — DayakDaily