BINTULU: Festival Layang-layang Antarabansa Borneo Bintulu 2017 (BIKF) ti diatur berengkah ari Hari Tiga tu tadi nyentuk ke sehari tu udah mujur matak penatai 130 iku pesereta ari 24 menua tasik dibanding enggau ari 20 buah menua, taun siti nyin tadi.
Menteri Dagang Temuai, Arts, Adat Main Asal, Nembiak Lumba enggau Main Datuk Abdul Karim Rahman Hamzah, sejak dianjurkan 2005 festival edisyen ke-13 nya ulih nyaup ngelakuka main asal enggau dagang temuai kelimpah nyungkak penatai pemisi peranak menua nya.
Karim lebuh ke bejaku bejadi Festival Layang- Layang Antarabansa Borneo 2017 ngarika Kepala Menteri Datuk Patinggi Abang Johari Tun Openg madah, kelimpah nyadika pelasar ngagai peranak ari menua tasik ngelala penyelai main enggau adat asal menua tu, festival nya mega ulih mantu negapka penyerakup ba peranak kandang menua nya dia.
Sehari tu bisi diatur pengawa nguji nempa rikod Malaysia Book of Record (MBR) ungkup “Longest Wind Garden Street”.
Ku Karim, opis menteri iya deka nentuka ungkp belanja ditambah ninting taun berindik ari sambut manah pesereta menua tasik ke majak nambah.
Kelimpah ari nya, bansal bejualka pemakai enggau ke bukai mega bisi disedia nyengkaum program merindang mensia mayuh ke bisi datai.
