KUCHING, Julai 17: Menteri Pelancongan, Seni, Main Asal, Nembiak Lumba enggau Main Sarawak Datuk Abdul Karim Rahman Hamzah ngenadaika diri ti nyebut leka jaku ngampar (pengemis) ditujuka iya ngagai sesapa aja Kaban Kunsil Negeri.
Tang ku iya, leka jaku ‘beggars can’t be choosers’ nya diujuka iya ngaga ulah penyakal ti mantah agih belanja ke diberi ngagai sitak ti diarika sida.
Ku iya, perintah negeri mega bisi nyendiaka sepenyampau agih belanja ngagai ADUN ari penyakal (Pakatan Harapan) ti nadai kala digaga sebedau tu, nya alai anang mantah laban nya dikesema baka ‘beri betis dekaka pah’.
“Sebedau tu, kitai (perintah negeri) nadai kala meri agih belanja ngagai penyakal. Tang sekali yu bisi lain mimit laban kitai ngagihka sama rata ngagai semua. Nya kebuah anang mantah laban parlimen udah meri agih belanja enggau ke bukai.
“Aku deka madah nyemetak ke alai nyadi Kaban DUN ukai nya Parlimen, nya kebuah aku madahka ‘beggar can’t be choosers’, kitai enda tau milih lalu aku ngasaika aku patut minta ampun sentang pekara nya,” ku iya. — DayakDaily
