KUCHING: Menteri Besai ngelalau rayat di Sabah enggau Sarawak badu agi ngaga slogan ‘Sabah for Sabahan, Sarawak for Sarawakian’.
Bejaku ba mua mayuh lebih 30,000 rayat pupu bansa di Kompleks Sukan Likas Kota Kinabalu malam tadi, Datuk Seri Najib Tun Razak madah pekara ti dikemeratka iya nya Sabah enggau Sarawak ungkup Malaysia lalu Malaysia ungkup Sabah enggau Sarawak.
Penganalisis politik madah, mayuh bengkah pupu bansa di Sarawak enggau Sabah ngangkatka slogan enggau sentimen nya beberapa taun sebedau tu nyentukka dipeda baka ‘anti-Semenanjung’ sereta kelalu beratka sentimen negeri ti betentang enggau sistem federal.
Pemutus nya ku Najib deka dipadah enda lama agi.
Najib komited ngerapitka seraka pemansang Sabah, Sarawak enggau Semenanjung nengah chara ngulurka ungkup belanja dikena ngaga mayuh agi perengka guna di kededua buah nengeri.
