KUALA LUMPUR, Mac 20: Aum Dewan Negara ke patut berengkah April 16 deka diatur tumu agi iya nya kena Mac 26 sereta tembu kena April 5 tu.
Ubah nya ngemalatka agi berita selebubu ke alai Parlimen dipelaba deka direrak pengudah aum Parlimen tembu kena April 5.
Pengawa Bepilih (PRU) disadang diatur kena Mei 5, enti Komiti Pengawa Bepilih (SPR) netapka ngatur nya kena Hari Enam, haribulan ke sebaka enggau PRU-13.
Barisan Nasional (BN) dipadah deka mantaika manifesto kena April 7 ba sebengkah pengerami besai di Stadium Putra Bukit Jalil.
Ku surat ke disain Sekretari Dewan Negara, Riduan Rahmat, aum nya patut diatur April 16 ngagai 30 tu ila lalu deka berengkah kena Mac 26 ngagai April 5.
Ubah nya mega mantaika spekulasi Parlimen deka direrak ambis tumu kena April 6, sehari pengudah aum keterubah penggal keenam Parlimen ambis.
Berebak enggau nya, pengawa ngaga garis entara baru ba sitak pegawa bepilih dipelaba dibai ngagai Parlimen sebarang maya ke semina begunaka pemendar ari Dewan Rakyat aja sebedau dikenatai ngagai Yang di-Pertuan Agong. — DayakDaily
