MIRI, Jun 26: Ejensi Penerit Adat Maritim Malaysia (APMM) ngerampas 10,000 kilogram bemacham bansa ikan ke beungkus RM100,000 ari dua buah kapal orang berikan ba kandang Miri ketegal bemacham penyalah lemai kemari.
Kepala APMM Zon Maritim Miri, Kapten Md Fauzi Othman, madahka dua kapal nya ditan 35 batu nautika ari mamga sungai Miri enggau sebuah kapal ke berejista atas nama One United 35 ditan pukul 6.35 petang ditangkanka kapal kedua One United 25 pukul 6.55 lemai.
“Pengudah diperesa tetemuka lisin kedua-dua bot kapal nya udah matu timpuh lalu sepenyampau 27 kru peranak Vietnam berumur 18 ngagai 48 taun bela ditan lalu dua iku ari kru nya nadai dokumen pengelala diri,”ku iya ba sebengkah oenerang ditu sehari tu.
Ku iya, kedua-dua kapal nya dibai ngagai Oalan Ngetanka Vesel (PTV) Pulau Melayu ngambika ditasah ari baruh untuk Akta Berikan 1985, Akta Imigresen 1959/63 enggau Ordinan Perkapalan 1952/1960.
“Kapal nya diempu sebuah kompeni menua tu ke sama iya nya One United Seafood Trading Sdn Bhd,” ku iya seraya madahka kapal nya udah nangkap ikan nguna chara “Tunda Gading” ti enda dikemendarka dikena laban tau ngeruga rampa menua. — DayakDaily
