SERIAN, Jun 5: Menteri Pelajar, Sains enggau Pansik Teknologi Sarawak Dato Sri Michael Manyin Jawong ngelalau bala apai indai nembiak bansa Bidayuh, beratka pelajar sekula anak sida kelimpah kelalu bebasauka duit dikena berami sereta ngirup.
“Pelajar sekula siti ari chara ngangkat komuniti kitai. Nadai salah berami begulai ngerami Gawai sekali setaun dalam kandang beberapa hari., tang anag baka nya ninting minggu enggaika kitai enda mansang,” ku iya.
Ku iya, taja pan Sarawak diatu negeri penyakal tang iya agi menteri dalam perintah negeri lalu ulih ngungkupka belanja barang maya ke bisi beguna.
“Taja pan Sarawak diatu penyakal, kitai agi diungkupka belanja,” ku iya.
Manyin bejaku munyi nyaba Pengerami Gawai ke diatur ba Awah Tun Abdul Razak Kpg Pichin empai lama udah.
Malam nya, bemacham tanda asal dibantaika dikena merindang bala temuai kelimpah ngidangka sida bansa pemakai asal.
Awak nya mega lalu yadi peluang endur nyuaka insentif pelajar ngagai 22 iku penerima nyengkaum ke diterima nampung pelajar ngagai universiti enggau sekeda institut pelajar ke bukai sereta ke udah nembuka pelajar sida.
Sama bisi ngulu pengerami malam nya presiden Gerempung Bansa Dayak Bidayuh National (DBNA) ke mega sekretari mendam Opis Menteri Betanam Betupi, Tanah Adat enggau Pemansang Kandang Menua Datu Ik Pahon Joyik, sereta ex- MP Serian Dato Sri Dominic Dago Randan. — DayakDaily
