Anyi Ngau dipelaba agi ngetanka kerusi sitak Baram

Datu Penguang Manggil

MIRI, April 11: Barisan Nasional (BN) dipelaba agi ngetanka Anyi Ngau, penyandang kerusi Parlimen Baram, siti sitak ke pemadu besai di menua tu, ba pengawa bepilih besai ke-14 (PRU14).

Menteri Muda Kunsil Kandang Menua, Datu Dr Penguang Manggil madah naka ke diatu bisi kelai tegap Anyi deka dichalunka baru nyadk chalun BN di Baram.

“Enti nadai sebarang ubah ba chalun, aku ngasaika parti meseti berandaj enggau aku dulu laban kerusi Marudi besai guna ba kerusi Bara,” ku Penguang ke mega ADUN Marudi sereta Chairman Parti Demokratik Progresif (PDP) Bagi Menua Miri ngagai pemberita pengudah nyadi chairman aum raban pengawa bepilih besai PDP ungkup kerusi Baram kemari.

Ku Penguang, sitak Baram ngembuan 35,400 iku pengundi ke berejista lalu 15,600 iku pengundi ba sitak Marudi ditangkanka (10,700) di Telang Usan enggau (9,100) pengundi di Mulu.

Sentang penyendia napi PRU14, iya madah parti nya parti nya pechayaka Parlimen Baram mengkang nyadi kuta kuat BN bepelasarka pemutus pengawa bepilih kunsil negeri enggau parlimen ke sebedau tu.


“Aku pechaya bepalasarka gaya politik ke diatu, kitai ulih menang majoriti besai ba PRU14, ambis nadai majoriti 1,000 undi tauka mayuh agi ari nya laban kami nadai kala alah di Baram,” ku iya.

Ku iya, BN ke menang mipis ba pengawa bepilih besai ke-13 ketegal bisi ubah ba chalun sempil enggau pengawa bepilih sereta penanggul dalam PDP, taja pia semua isu nya udah diputarka.

Ba PRU13, Anyi maya nya nyadi orang baru ke bedirj minta pilih, taja pia udah menang ba kerusi Baram pengudah bulih majoriti 194 undi ngalahka chalun PKR, Roland Engan.

Ku iya, penatai mensia mayuh ke chukup mayuh maya penemuai Menteri Besai enggau Kepala Menteri ke Marudi minggu siti nyin tadi, nyadi kelai ke manah ngagai BN.

PRU14 diatur ba 31 kerusi parlimen di negeri tu laban Sarawak udah ngatur PRN ba 82 kerusi DUN ba taun 2016. — DayakDaily