KUALA LUMPUR, Nov 19: Mandal Presiden Perkasa, Datuk Ruhanie Ahmad madahka lebih 95 peratus rayat seranta di menua tu iya nya Bumiputera.
Ku iya, Bumiputera jauh tinggal dalam bidang sosioekonomi, ke alai pekara nya enda ngagaka ati.
Ex Kaban Parlimen BN madah, diatu bisi mayuh kelai penuduk sosioekonomi Bumiputera deka betapi enggau pemar.
“Tu ukai ketegal perintah enda ibuhka pengelikun enggau pengelantang sosioekonomi tang ketegal perintah nyemakaka tikas enggau ke ukai Bumiputera.
“Tu meh pengamat pasal Bumiputera diatu lalu bechiping enti status sosioekonomi sida disemaka enggau bansa bukai,” ku iya lebuh bejaku ba ketika ‘Forum Belanjawan 2018: Di Mana Keistimewaan Bumiputera’ malam tadi.
Ku iya, taja pan pengawa nya enda salah tang enda setipak enggau Pekara 153 Federal konstitusyen.
Beratika utai ke nyadi ku Ruhanie,nya udah ngujungka Bumiputera nyadi kelas kedua di belakang bansa Cina, seraya madahka Perkasa enda nerima meda pekara ke nyadi.
“Kitai nyadi bansa kelas kedua. Perkasa enda nerima pekara ke nyadi,” ku iya nyemetak. — DayakDaily
