KUCHING, Nov 19: Kaban Kunsil Negeri Telang Usan, Dennis Ngau, madahka sitak nya begunaka 90 iti tiang komunikasi dikena ngemujurka ekonomi digital ba sitak nya.
Dennis mega madahka diri nyukung ngambika.peranak di Telang Usan dibungkur enggau ekonomi digital.
Taja pia ku iya, Telang Usan diatu semina bisi 10 iti aja tiang komunikasi lalu enda enda umbas laban sitak nya besai.
Ku iya, bungkur telekomunikasi di Telang Usan patut diangkatmanah lalu disedia semua perengkaguna.
Dennis madahbisi 90 buah rumah panjai dalam sitak Telang Usan ke jauh ari pangan diri lalu tetiap nuah rumah panjai nya patut didirika sebuah tiang telekomunikasi.
Taja ungkus nirika tiang komunikasi nya RM 2juta siti, tang pekara nya patut diperunding ngambika servis internet nya ulih mungkur semua.
Iya bejaku munyi nya pengudah nyuaka bantu ngagai peranak ke tasah angus di Long Palai, Baram. — DayakDaily
