58,081 iku dipelaba nerima bantu pengelantang pendiau taun tu

Cash. — DayakDaily.com file pic.// Photo: Pixabay

KUCHING, Jan 10: Bisi 58,081 rayat negeri tu dijangka nerima bantu ari Opis Pengelantang Pendiau Raban Bansa (JKM) Negeri Sarawak.

Menteri Pengelantang Pendiau Komuniti, Orang Indu enggau Pemansang Anak Mit, Dato’ Sri Fatimah Abdullah, madahka semua penyampau bantu nya dijangka nguna belanja RM226.89 juta..

“Taun siti nyin tadi semua penyampau 57,000 iku peranak negeri tu nerima bemacham bantu pengelantang pendiau ari JKM Negeri Sarawak.

“Kami nganggarka sepenyampau 58,081 iku peranak negeri tu deka nerima bantu nya ke sepenyampau RM226.89 juta,” ku iya.

Ku iya baru, anggar bajet opis nya taun tu dibagi ngagai ‘Skim Bantuan Persekutuan’ ti diungkupka perintah besai, Skim Bantu Perintah Sarawak ti diungkupka perintah negeri, Bantu Penusah Ngenyit enggau Geran Pemansang Ekonomi. — DayakDaily