440,743 chalun deka ngambi UPSR berengkah ari 20-27 Sept tu

Classroom. — DayakDaily.com file pic. // Photo: Pixabay

PUTRAJAYA, September 15: Bisi 440,743 chalun udah ngerejister diri ngambi Ujian Pencapaian Sekolah Rendah (UPSR) kena 20 ngagai 27 September tu.

Opis Menteri Pelajar nengah sebengkah penerang kemari, madahka ari penyampau nya 430,031 iku nya chalun sekula perintah enggau bantu perintah, lalu 10,712 iku nya chalun sekula peribit.

Taun tu, 8,100 palan endur beperesa deka dibuka di serata menua ke mungkur 54,253 pengereja pengawa nyaga peresa, ku iya.

“Kaunsil Peresa ngelalau semua chalun meresa tusun jam peresa UPSR 2018 ngambika sida nemu sentang maya jam, atur enggau jaku lalau ti patut ditith lebuh ke ngambi peresa nya ,” ku iya.

Ku Opis Menteri Pelajar, tusun jam maya leresa nya mega ulih di download ari website Kaunsil Peresa di lp.moe.gov.my.

Chalun mega ditangkan mai MyKad sida ngagai palan peresa dikena nentuka atur pejalai peresa nya ulih dipejalaika enggau lanchar. — DayakDaily