PUTRAJAYA, Ogos 20: Bisi 43 inisiatif bekaul pelajar udah dipejalaika perintah Pakatan Harapan (PH) sekumbang 100 hari megai menua, ku Menteri Pelajar Dr Maszlee Malik.
Ku iya, sekeda ari inisiatif iya nya entara pekara ke disemaya dalam manifesto PH baka mengeluarka nama nembiak ke ngeluar duit ari Perbadanan Tabung Pendidikan Tinggi Nasional (PTPTN) ari rintai rintai chelum Imigresen.
Ba sebengkah penerang kemari, Maszlee madahka semaya manifesto ti dikeamatka kena Jun 8, iya nya dalam timpuh 30 hari megai baru beratika sepenyampau 429,945 nembiak ke nginjau nya dibantu.
Kelimpah ari nya, opis menteri nya mega udah ngepunka singkang nentuka rabanraban ke penatai pemisi mit ulih nangguhka bayar pulai nengah balik sistem bayar pulai duit injau fleksibel tauka Income-Contigent Loan Repayment (ICLR), katanya.
Ku iya, opis menteri nya mega ngambi singkang kelebih holistik ba pengawa negapka sistem pelajar nyengkaum meri kuasa autonomi ngagai institusi pelajar tinggi nadai natak bejaku ngagai raban graduate nengah chara ngidupka baru pidato. — DayakDaily
