SRI AMAN, Okt 16: Bisi enam iku pemesai enggau raban pangkat ke bukai (LLP) ari 2nd Batallion Royal Gurkha Rifles (2 RGR) enggau Batalion Ke -13 Rejimen Askar Melayu Diraja (13 RAMD) udah enggau ba Eksesais TIGER GOLD ke berengkah ari 5 ngagai 20 Okt ba kandang menua Sri Aman.
Eksesais nya diteruska enggau latih silang entara 13 RAMD enggau 2 RGR dalam kandang Kem Pakit.
Sebengkah ari latih ti dipejalaika iya nya ‘Combat Survival’ ke alai Batalion Ke-10 Rejimen Renjer Diraja (10 RRD) udah dikearapka ngatur latih Combat Survival ngagai 2 RGR ba palan perang nengah konsep ‘Counter Insurgency Warfare’ dalam kandang kampung galau Sri Aman.
Latih nya berengkah enggau meri penerang sentang survival ti dikenataika Ketuai Platun Survival 10 RRD, Lt Faiz Zuhair.
Iya mega bisi meri penemu ke dikena tau dikena beridup dalam kampung baka meri pengelala ngagai bansa utai tumbuh dalam kampung, langkau alai ngenduh, bansa panjuk jelu enggau chara ngidupka api ngena chara lama.
Kelimpah ari nya, iya bisi ngajar chara mela sereta ngelala bansa jelu ke tau diempa lebuh ke dalam kampung sereta ngajar chara nyumai pemakai ngena utai tumbuh asal baka buluh enggau bansa daun babas ke tau diempa. — DayakDaily
