1MDB beguna RM42.26 bilion dikena mayar utang

File photo for illustration purposes

KUALA LUMPUR, Mei 17: 1Malaysia Development Bhd (1MDB) begunaka urung RM42.26 bilion dikena mayar ungkus prinsipal enggau bungai duit injau ke chukup timpuh entara November 2015 ngagai Mei 2039.

Nya bepelasarka pelin rasionalisasi ti dipejalaika sereta nadai duit injau baru digaga pengudah Oktober 2015, pia ku Ripot Audit 1MDB ti baru dikeluarka.

Ba sebengkah ripot pandak eksekutif, ripot nya madahka lalu prinsipal pinjau/pelanja 1MDB sepenyampau RM55 bilion nyentuk Okt 31, 2015 dibanding enggau aset sepenyampau RM58.60 bilion, ke alai penyampau RM20.31 bilion bisi jamin sereta bantu ari Perintah Besai.

Ku ripot nya, 1MDB patut nyendiaka wang turu ke mayuh dikena mayar komitmen ti besai iya nya sepenyampau RM4.88 bilion dalam taun 2016, RM14.74 bilion ba taun 2023 enggau RM5.14 bilion ba taun 2039.

1MDB mega begunaka wang turu urung RM1.52 bilion tiap taun ari November 2015 nyentuk Mei 2024 dikena mayar pulai duit injau nya.

Ungkup timpuh 2016 nyentuk 2023, ungkus pinjau pinjaman ke patut ditanggung Kumpulan 1MDB sepenyampau RM9.08 bilion.

Nota Jangka Sederhana Islam (IMTN) ti dipansut ba taun 2009 dijangka chukup timpuh dalam taun 2039 (30 taun) enggau penyampau bayar ke dipelanja sepenyampau RM287.50 juta setaun.

Komitmen Kumpulan 1MDB ba IMTN ari November 2015 nyentuk Mei 2039 bisi RM11.90 bilion nyengkaum RM5 bilion prinsipal enggau RM6.90 bilion ungkus melanja.

Laluh pinjau Kumpulan 1MDB dijangka RM28.21 bilion lalu penuduk aset Kumpulan 1MDB sepenyampau RM27.01 bilion.

Sebagi ari aset retatanah deka dikemansang dikena nambah rega sereta merj penguntung jemah ila, pia ku ripot nya. — DayakDaily