KUCHING: Aum kabinet sehari tu udah netapka bansa Rohingya ke ngig palan ngenduh di Malaysia enda dianjung ke Bau enggau Serian di Sarawak, baka ke dikerembai nengah media sosial sebedau tu.
Menteri Pengatur Pengereja Pengawa Dato Sri (Dr) Richard Riot Jaem ke mai isu nya ngagai kabinet madahka Sapit Menteri Besai, Datuk Seri Dr. Ahmad Zahid Hamidi udah ngenetapka pekara tu, ku iya.
“Pekara nya udah ditetapka Sapit Menteri Besai , Datuk Seri Dr. Ahmad Zahid Hamidi ke alai bansa Rohingya enda dianjung ke Sarawak,” ku iya nengah penerang pandak,kemari.
Riot mega madahka isu bekaul enggau bansa Rohingya ke deka dianjung ke nengeri tu nya enda amat lalu minta semua anang pechayaka berita nya.
Iya mega minta sesapa ke nerima berita nya nengah media sosial ngaga ripot ngagai opis ke bekaul ngambika pansik ke meruan ulih dipejalaika.
