MARANG: Opis Menteri Pelajar ngenukuka 365,500 tauka 86 peratus ari 425,000 iku pengajar di serata Malaysia udah ngerejista diri nyadi pengundi ba Komiti Pengawa Bepilih (SPR).
Menteri opis nya Datuk Seri Mahdzir Khalid madah, iya meransang urung 60,000 tauka 14 peratus agi bala pengajar ngambika jampat agi bejalaika tanggungpengawa ngerejista diri dikena napi pengawa bepilih besai ke-14 tu ila.
Ku iya, taja pan nadai undang-undang ke diterit ba orang ti enda ngerejista diri nyadi pengundi, tang orang ke nyadi pengajar suah nyadika chunto, nya alai sida patut ngerejista diri.
“Semua mensia mayuh nyengkaum ke diau di menua pesisir nganggap bala pengajar nya nyadi pengiring ukai semina ke nembiak aja, tang penemu enggau jaku lalau sida mega suah dititihka orang besai tuai.
“Nya alai bala pengajar dianggap tau ngempung runding mensia mayuh, lalu semua pengajar dipinta ngerejista diri nyadi pengundi ngambika sida tau ngundi,” ku iya madah ngagai pemberita pengudah ngelanchar Program ‘Guru Pembina Negara Bangsa dan Masyarakat’ ba Sekula Sekondari (SMK) Seri Payong, ditu, empai lama udah.
