Ujan bangat, pasang raya udah ngampuh sekeda endur di selatan S’wak

Flooded road. ā€” DayakDaily.com file pic. // Photo: Pixabay

KUCHING, Feb 3: Ujan ke enda ngengetu diserumba pasang raya lemai kemari udah ngampuh sekeda kandang endur di selatan negeri tu.

Pengari Sekretariat Mutarka Penusah Ngenyit Negeri, Ismail Mahedin entara kandang menua ke ampuh iya nya di Lundu, Sebuyau enggau sekeda endur baka Tanjong Bako enggau Tabuan.

Ai pasang raya nyadi urung pukul 6.30 lemai tang surut urung pukul 9.30 demalam.

Taja pia, nadai operasi mindahka sida ke tasah nya direkod taja pan sekeda kandang endur namun di negeri tu kena ampuh bah ngenyit.

Nitihka pemadah ari Opis Meteorologi Malaysia, gaya hari (Renggat Kuning) ti dikeluarka kena Jan 30 tu tadi ke alai, ujan bangat dijangka nyadi dalam timpuh Hari Empat, Feb 1 nyentuk Hari Enam, Feb 3 di Kuching, Samarahan, Serian, Betong, Sarikei, Sri Aman, Sibu, Matu enggau Daro.

Lima sekula, dua di Limbang, dua di Baram enggau siti di Dalat enda beroperasi kemari ketegal ampuh bah. ā€” DayakDaily