Advertisement
![]()
KUCHING, 20 Sept: Tubuh niang Bujang Berani Datuk Awang Raweng datai di Dewan Suarah Kuching ari Sri Aman urung jam 12 tengahari tu.
Niang deka disenggaie bala mayuh malam tu lalu deka dikubur di Pendam Pahlawan, Taman Budaya nengah basa besai jam 11 pagi ila.
Awang ,104, nadai di rumah anak iya di Taman Paderi, Sri Aman kena Hari Lima tu lalu udah dintu dua malam sebedau dibai ke Kuching.
Advertisement
Nusuika ngagai pemberita, anak iya Panggau Awang madah pengerai apai iya majak surut dalam timpuh 4 taun ke udah.
Ku Panggau, niang enda bepengerai ketegal dibai umur ti udah nyau tuai.
Entara ke bisi dulu datai meri basa ke niang tengahari tadi Sapit Kepala Menteri Tan Sri Dr James Masing enggau Sekretari Perintah Sarawak Datuk Amar Jaul Samion.-DayakDaily
Advertisement
