Tiong ngelaluka sukung enggau bantu Mawan ba Parlimen Saratok

Datuk Seri Tiong King Sing

KUCHING, April 25: Presiden Parti Demokratik Progresif (PDP) Datuk Seri Tiong King Sing meri terima kasih ngagai Chairman Barisan Nasional (BN) Sarawak Datuk Patinggi Abang Johari Tun Openg laban ngenanka kerusi parti nya bediri minta pilih ba Parlimen Saratok.

Jagah @ Subeng anak Mula, 55, ari PDP ngarika BN ke deka disatup chalun PKR di kerusi Saratok.

Sebedau tu, Parlimen Saratok diempu Parti Demokratik Progresif Sarawak (SPDP) ti diarika Tan Sri William Mawan Ikom ke udah nya nyadi kaban Parti Tenaga Rakyat Sarawak (TERAS) lalu diatu ditetapka nyeretai PBB.

Ngenang konsensus enggau semangat kuat BN nya, Tiong ngelaluka sukung enggau bantu ari Mawan dikena nentuka chalun BN menang di Saratok.

Tiong besemaya PDP ke nyadi parti komponen BN deka enggau naka ulih nentuka parti nya menang ba semua aitak ke endur parti nya minta pilih maya PRU14 tu ila.


PDP nudukka chalun ba Mas Gading, Saratok, Bintulu enggau Baram. — DayakDaily

Share this article!