KUCHING, Dis 10: Tiga buah sekula di pelilih Sri Aman, Mukah enggau Lawas agi ampuh bah tang tetap beoperasi baka selama.
Opis Pelajar Negeri madah, sekula ke ampuh iya nya SK Kuala Kenyana, Mukah, SK Bakong Sri Aman enggau SK Ulu Merapok, Lawas.
Tukang Pengerembai Berita Sekretariat Mutar Penusah Ngenyit Negeri, Ismail Mahedin ai majak niki urung pukul 4.40 lemai kemari manggai ba tikas 2.5 kaki.
Ku Ismail,pelaba gaya hari ti dikeluarka Opis Meteorologi Malaysia pukul 8.00 pagi tadi madahka ujan ba sekeda endur ba kandang pantai sereta ujan kabut ba siti dua endur.
Ujan bangat dipelaba nyadi ba Bagi Menua Kuching, Samarahan, Serian, Betong, Sarikei, Sibu enggau Mukah.
“Berebak enggau nya, opis nya mega ngeluarka jaku tangkan kategori kedua ngagai kapal berindik ari kabut balat enggau tasik begelumbang.
“Kabut balat Timur Laut enggau peneras 40-50 kmsj lalu peninggi umbak manggai 3.5 meter dijangka nyadi ba kandang ai Bunguran enggau Reef South nyentuk Hari Satu tu, 11 Disember ke tau ngasuh meri penusah ngagai bot mit, rekreasi tasik enggau main tasik,” ku iya. — DayakDaily
