Tanka penyerakup ba pupu bansa, ku Mong

Unity. — DayakDaily.com file pic. // Photo: Pixabay

SRI AMAN, Feb 22: Semua pupu bansa patut sedia ngetanka penyerakup ke bisi di negeri tu, pia ku Kaban Kunsil Negeri (ADUN) Bukit Begunan, Datuk Mong Dagang.

Nengah ulah ti sama bebasaka jalai pengarap enggau adat, negeri enggau menua kita deka majak lantang sereta nadai penyarut.

“Kitai ngarapka isu ke bekaul enggau pupu bansa enda disungkit laban nya tau ngachau pengelikun enggau pengelantang menua kitai.

“Semua tu asil iring bala ketuai menua kitai ke semampai ngigai jalai ke pemadu manah mempa rayat ngambika majak ngetanka penyerakup ke bisi diatu,” ku iya.

Mong minta supaya rayat di negeri tuanang nyungkit sentimen bansa tang bebasa sereta meretika adat enggau jalai pengarap bansa bukai dikena ngenegapka penyerakup.


Pekara ke bekaul sentimen jalai pengarap patut diputar nengah chara ke manah ba semua pekara ngambika enda pulaika penyarut sereta laya sesama diri.

Iya bejaku munyi nya lebuh ke ngabang ngagai Pengerami Nyambut Temuai Taun Baru Cina Kapitan Kiew Siew Ted di Taman Pasir Panas, ditu empai lama udah. — DayakDaily